LGBT+ Føroyar er ein felagsskapur til frama fyri samkynd, tvíkynd og tvørkynd+ í Føroyum.

Endamálið við rørsluni er at økja um trivnaðin hjá kynsligu minnilutunum í samfelagnum, umframt at betra um rættindini og arbeiða fram ímóti fullari javnstøðu í øllum viðurskiftum samfelagsins, m.a. við kunning og sum heild at gerast sjónligari. 

Bókstavirnir LGBT standa fyri “Lesbians, Gays, Bisexual, Transgender” – á føroyskum samkynd, tvíkynd og tvørkynd. Hetta er ein nógv brúkt altjóða stytting fyri felagsskapir eins og okkara.

LGBT+ Føroyar er ein sjálvstøðugur felagsskapur og hevur einki beinleiðis tilknýti til nakað aðra rørslu ella felag í Føroyum ella uttanlands.

Nevndin

Nevndin í LGBT+ Føroyum er skipað við nevndarlimum og eykanevndarlimum. Tú sært nevndarlimirnar her.

Suðla arbeiðinum hjá LGBT+ Føroyum: Gerst ælabogavinur! Øll, sum stuðla endamálinum hjá felagsskapinum, kunnu vera ælabogavinir.

Les um viðtøkur felagins her.