Dimmalætting spyr í dagsins blaðið formannin í Framsøkn, Poul Michelsen, hvat hann heldur um, at felagsskapurin hjá teimum samkyndu vil hava sama rætt til hjúnaband sum onnur. Ja ella nei? Formaðurin svarar blaðnum soleiðis:
– Vit hava meldað út, at vit taka undir við skrásettum parlagi, og at vit taka undir við 266b. Tey rættindini skulu tey hava. Hjúnabandslógin gongur inn í kirkju-ritualini, og vit fara ikki inn at lóggeva í kirkjuni – tað kemur als ikki upp á tal.
Tá hjúnarbandslógin verður dagførd, og samkynd og hinskynd verða javnsett, ber til at áseta í hjúnarbandslógini, at kirkjur og samkomur sjálvar avgerða hvønn tey vilja gifta. Vit hesum verða tær ikki álagdar at gifta samkynd, men kunnu sjálvar avgerða tað.
Ynskir tú at hoyra meira um hetta og onnur politisk mál, kom so við til politiska valfundin hjá LGBT Føroyar í Hvonn mikukvøldið 12. oktober, kl. 19.30.
