{"id":1568,"date":"2012-09-28T12:33:15","date_gmt":"2012-09-28T11:33:15","guid":{"rendered":"https:\/\/lgbt.fo\/lgbt-hetjur-2\/foroysk-lgbt-myndlist\/"},"modified":"2026-02-15T14:03:19","modified_gmt":"2026-02-15T14:03:19","slug":"foroysk-lgbt-myndlist","status":"publish","type":"page","link":"https:\/\/lgbt.fo\/en\/foroysk-lgbt-myndlist\/","title":{"rendered":"F\u00f8roysk LGBT+-myndlistas\u00f8ga"},"content":{"rendered":"

\u00d3-s\u00f8gur av hinum slagnum – um samkyndleika \u00ed f\u00f8royskari myndlist<\/strong><\/p>\n

\"\"<\/a><\/p>\n

Hendan myndin hj\u00e1 Unn Joensen sigur kanska alt betri enn eg sj\u00e1lv f\u00e1i sagt ta\u00f0. Hon hekk \u00e1 V\u00e1rframs\u00fdningini \u00ed 2007 og avmyndar tveir le\u00f0ursjeikar, sum lei\u00f0ast onkrasta\u00f0ni uppi yvir Klaksv\u00edkini. Summi halda kanska, at myndin er provokerandi, men hv\u00ed er hon ta\u00f0? Fyri ta\u00f0 fyrsta kundu menninir ta\u00f0 sama veri\u00f0 lendir \u00e1 m\u00e1nan so fremmandgj\u00f8rdir s\u00edggja teir \u00fat \u00ed f\u00f8royska landslagnum, men ta\u00f0 \u00e1hugaverda er, at \u00e1sko\u00f0arin fatar hesar b\u00e1\u00f0ar myndalutirnar; landslag og menn sum m\u00f3tsetningar, hetta livir ey\u00f0s\u00fdniliga ikki upp til okkara \u00edmynd av einum pari, sum gongur romantiskan t\u00far \u00ed haganum.<\/p>\n

T\u00e1 eg var\u00f0 bi\u00f0in um at halda henda hesa framl\u00f8guna um samkyndleika og samkynd \u00ed f\u00f8royskari myndlist, var ta\u00f0 ikki uttan eitt sindur av innari m\u00f3tst\u00f8\u00f0u, at eg j\u00e1tta\u00f0i. M\u00f3tst\u00f8\u00f0an hev\u00f0i einki vi\u00f0 samkyndu s\u00f8kina at gera, henni taki eg eins sj\u00e1lvsagt undir vi\u00f0 og eg taki undir vi\u00f0 mannar\u00e6ttindum yvirh\u00f8vur. -Nei m\u00f3tviljin sn\u00fa\u00f0i seg um hetta at kn\u00fdta kynsl\u00edv og myndlist saman, t\u00ed hesum v\u00e6nta\u00f0i eg ikki at f\u00e1a naka\u00f0 burtur\u00far. Eg minnist, at eg hev\u00f0i ta\u00f0 \u00e1 n\u00f8kulunda sama h\u00e1tt, t\u00e1 eg fyri n\u00f8krum \u00e1rum s\u00ed\u00f0ani var\u00f0 bi\u00f0in um at halda eitt upplegg um kvinnur \u00ed f\u00f8royskari myndlist, og eisini t\u00e1 fekk eg onkrar n\u00fdggjar tankar burtur\u00far. Lat meg bara koma vi\u00f0 \u00f8llum fyrivarnum beinanvegin. Hetta er als ikki naka\u00f0 l\u00e6tt evni. \u00cd F\u00f8royum ver\u00f0ur hv\u00f8rki granska\u00f0 \u00ed myndlist ella \u00ed samkyndleika og als ikki \u00ed samkyndleika \u00ed f\u00f8royskari myndlist. T\u00e1 eg skuldi skriva hetta uppleggi\u00f0, m\u00e1tti eg sostatt gera ta\u00f0 uttan nakra fyriliggjandi gransking. Tit mugu t\u00ed fyrigeva, at eg tykist vera uttan akademiskt f\u00f3tafesti, vit mugu royna at kl\u00e1ra okkum uttan. Onkrasta\u00f0ni mugu vit j\u00fa byrja. Eg byrji vi\u00f0 at kanna f\u00f8royska listas\u00f8gu \u00fat fr\u00e1 einum samkyndum sj\u00f3narhorni og endi vi\u00f0 eini presentati\u00f3n av f\u00fdra samkyndum f\u00f8royskum listaf\u00f3lkum.<\/p>\n

Samkynda listas\u00f8gan \u00ed F\u00f8royum er eitt slag av eini \u00f3-s\u00f8gu, ella eini antis\u00f8gu, sum er tengd at burturkr\u00f3gva\u00f0u st\u00f8\u00f0uni hj\u00e1 samkyndum annars \u00ed f\u00f8royska samfelagnum. Ta\u00f0 merkir ta\u00f0 sama sum, at vit fram til fyri kortum ikki hava havt n\u00f3gv listaf\u00f3lk \u00ed F\u00f8royum, sum hava veri\u00f0 opin um teirra kynsliga samleika, og inntil \u00ed dag hevur ikki veri\u00f0 sagt ella skriva\u00f0 n\u00f3gv alment um hetta.\u00a0Tann samkynda listas\u00f8gan er ikki til. Ella sj\u00e1lvandi er hon til, t\u00ed vit kenna \u00f8ll b\u00e6\u00f0i livandi og dey\u00f0, fantastisk, samkynd listaf\u00f3lk, men \u00ed okkara annars so si\u00f0s\u00f8guligu og \u00e6vis\u00f8guliga listab\u00f3kum er ikki eitt or\u00f0 at lesa um at listaf\u00f3lkini eru samkynd. Vit f\u00f8royingar eru annars so \u00f3metaliga \u00e1huga\u00f0ir, t\u00e1 ta\u00f0 kemur til “slag”. Hv\u00f8rjum slagi\u00f0 mann er av. Hetta slagi\u00f0 og hitt slagi\u00f0, men ta\u00f0 eru vit ey\u00f0s\u00fdniliga ikki, t\u00e1 ta\u00f0 kemur til “hitt slagi\u00f0”. Hetta hongur saman vi\u00f0 teirri \u00f3s\u00f8gdu s\u00f8guni hj\u00e1 samkyndleika \u00ed F\u00f8royum, sum henda frams\u00fdningin “Hvat er nat\u00farligt?” er vi\u00f0 til at broyta.<\/p>\n

Lat okkum byrja vi\u00f0 at hyggja at yvirskriftin, sum ad\u00fakar vissar ford\u00f3mar. Idiomatiska or\u00f0ingin at vera “av hinum slagnum” sigur \u00ed grundini nokkso n\u00f3gv, t\u00ed “hitt slagi\u00f0” treytar, at vit eru tvey sl\u00f8g, okkara slag og so “hitt” slagi\u00f0. Ein heimsfatan vi\u00f0 st\u00f8\u00f0i \u00ed m\u00f3tsetninginum “vit” og “hini” – har “vit” ver\u00f0ur fata\u00f0 sum saml\u00edk einum sj\u00e1lvum og “hini” sum \u00f8\u00f0rv\u00edsi, m\u00e1 sigast at vera ein r\u00e6ttiliga einf\u00f8ld og avmarka\u00f0 heimsfatan. Samstundis ber idiomi\u00f0 “av hinum slagnum” br\u00e1 av\u00a0 eini r\u00e6ttiliga ekskluderandi og homofobari mentan. Or\u00f0ingin finst heldur ikki \u00e1 t.d. donskum ella enskum og ta\u00f0 er absurd at hugsa s\u00e6r hana \u00e1 \u00f8\u00f0rum m\u00e1lum “han er den anden slags” ella “she is the other kind”. Ta\u00f0 er l\u00f8gi\u00f0 at or\u00f0ingin “hon er av hinum slagnum” er fata\u00f0 sum meira hampilig enn \u00f8ll m\u00f8gulig onnur heiti um samkynd, t\u00ed \u00ed grundini er hon tann lj\u00f3tasta av \u00f8llum.<\/p>\n

\"\"<\/a><\/p>\n

Listas\u00f8guliga er f\u00f8roysk myndlist sum kunnugt \u00ed t\u00ed heilt serligu st\u00f8\u00f0u, at hon ikki av \u00e1lvara kykna\u00f0i fyrr enn t\u00ed\u00f0liga \u00ed 20.\u00f8ld, t\u00e1 modernisman v\u00e6l og vir\u00f0iliga hev\u00f0i fest s\u00ednar r\u00f8tur kring Europa. Og ta\u00f0 er j\u00fa heilt \u00f3tr\u00faligt at hugsa s\u00e6r, at me\u00f0an Picasso, Duchamp og Kandinsky og onnur kollveltu og gj\u00f8rdu vi\u00f0, st\u00f3\u00f0 Niels Kruse ni\u00f0ri \u00e1 M\u00f8l \u00e1 Ei\u00f0i og m\u00e1la\u00f0i ta\u00f0 elska\u00f0a landslagi\u00f0 har nor\u00f0uri. Vit byrja\u00f0u av sonnum seint og ta\u00f0 var landslagi\u00f0, sum \u00ed mong \u00e1r hev\u00f0i h\u00f8vu\u00f0sleiklutin \u00ed f\u00f8royskari myndlist. S\u00e6\u00f0 uttan\u00edfr\u00e1 kann fasta taki\u00f0, sum landslagi\u00f0 hevur myndevnisliga \u00ed myndlistini bera br\u00e1 av eini heldur sakleysari og \u00f3sj\u00e1lvst\u00f8\u00f0ugari tilgongd til myndlistina. Hetta samsvarar vi\u00f0 \u00edmyndini av f\u00f8royingum sum upprunakent n\u00e1tt\u00faruf\u00f3lk, sum livir \u00ed, av og \u00ed fullum samlj\u00f3\u00f0i vi\u00f0 n\u00e1tt\u00faruna. Ta\u00f0 v\u00edsir seg eisini sum, at umm\u00e6li av f\u00f8royskari list \u00ed \u00fatlondum ofta sn\u00fagva seg um f\u00f8roysku n\u00e1tt\u00faruna sum tilverugrundarlag og at umm\u00e6larar ofta gera vart vi\u00f0 eitt serligt, upprunaligt reinlyndi \u00ed f\u00f8roysku verkunum. Ta\u00f0 kann v\u00e6l vera, at vit sj\u00e1lvi hava havt lyndi til at stu\u00f0la uppundir ella \u00ed \u00f8llum f\u00f8rum g\u00f3\u00f0taka hesa romantisera\u00f0u \u00edmyndina, men okkum t\u00f8rvar hana ikki og hon er ikki longur n\u00f8ktandi \u00ed mun til okkara veruleika, sum \u00e1virka\u00f0 av altj\u00f3\u00f0ager\u00f0, interneti osfr, er vor\u00f0in meira fj\u00f8lbroyttur, fleirfasettera\u00f0ur, ymish\u00e6tta\u00f0ur og r\u00famligur eisini t\u00e1 ta\u00f0 kemur til samkyndleika. Ta\u00f0 s\u00f3\u00f0u vit, t\u00e1 umlei\u00f0 5000 f\u00f3lk m\u00f8ttu til Pride skr\u00fa\u00f0gongu \u00ed Havn.<\/p>\n

\"\"<\/a><\/div>\n
<\/div>\n

Hyggja vit \u00fat yvir ta stuttu f\u00f8roysku listas\u00f8guna, hava vit ikki havt nakra serliga hevd fyri kroppi og kyni. Sj\u00e1lvt pers\u00f3nsmyndir sum hendan kenda myndin hj\u00e1 Mikines; Aftur av Jar\u00f0arfer\u00f0, eru heilt \u00f8giliga kroppsleysar. Kvinnurnar tykjast identitetsleysar maskur, me\u00f0an menninir eru m\u00e1la\u00f0ir sum einstaklingar, men her er j\u00fa als eingin kroppur, eingin anatomi \u00ed l\u00fdsingini, sum heilt greitt sn\u00fdr seg um ta\u00f0 andaliga, um dapra huglagi\u00f0. N\u00f8kur f\u00e1 undant\u00f8k eru sum t.d. hendan f\u00edna, naivistiska myndin hj\u00e1 Frimod Joensen vi\u00f0 heitinum Longsul, har vit s\u00edggja ein kvinnukropp \u00ed myndini. Vit s\u00edggja eisini ein l\u00farara, ein mann, sum situr vi\u00f0 s\u00edna song og eylei\u00f0ir eina nakna damu \u00ed vindeyganum yvirav vi\u00f0 longsulsfullum eygum. Uppi yvir songini hongur ein m\u00e1lningur, so her er landslagi\u00f0 eisini sloppi\u00f0 vi\u00f0 \u00ed l\u00fdsingina, sum helst er ein sj\u00e1lvsmynd.<\/p>\n

<\/div>\n
\"\"<\/a><\/div>\n
<\/div>\n

Annars kemur T\u00f3roddur Poulsen<\/strong>\u00a0eisini javnan inn \u00e1 ta\u00f0 kynsliga \u00ed s\u00ednum n\u00fdskapandi myndum. T.d. \u00ed humoristiska urtapottinum vi\u00f0 \u00e1skriftini FUGLAR, men vi\u00f0 heldur \u00f3skikkiliga heitinum Snillatr\u00e6. \u00cd myndini “Oys” hevur listama\u00f0urin l\u00fdst ein, sum yvirh\u00f8vur ikki \u00e6tlar s\u00e6r \u00ed grindadr\u00e1p, eg skal ikki kunna siga um hann er samkyndur, men hann er \u00ed minsta lagi\u00f0 metrosexuellur og moderna\u00f0ur ma\u00f0ur vi\u00f0 oyraringum og sm\u00f8rtum kl\u00e6\u00f0um.<\/p>\n

<\/div>\n
\"\"<\/a><\/div>\n
<\/div>\n

Innan standmynda\u00f8ki\u00f0 er st\u00f8\u00f0an sj\u00e1lvandi heilt \u00f8\u00f0rv\u00edsi, t\u00ed her hevur menniskjakroppurin ein h\u00f8vu\u00f0sleiklut. Janus Kamban<\/strong> er tann st\u00f3ri vegarin innan f\u00f8royska list og innan f\u00f8royskar standmyndir, og her kunnu vit j\u00fa \u00ed r\u00e6ttiliga st\u00f3ran mun tosa um nakinleika og um kyn, men ors\u00f8kirnar til naknu standmyndirnar liggja j\u00fa meira \u00ed einum klassiskum listaideali enn sum naka\u00f0 beinlei\u00f0is \u00fattrykk fyri samkyndleika. Hendan fr\u00e1l\u00edka standmyndin hj\u00e1 Janusi Kamban er \u00ed grundini eisini vitalistisk og gongur \u00ed st\u00f3ran mun \u00fat upp\u00e1 at v\u00edsa megina \u00ed r\u00f8rsluni, og hvussu fimur drongurin er.<\/p>\n

<\/div>\n
\"\"<\/a><\/div>\n
<\/div>\n

\u00cd \u00e1hugaverda filminum hj\u00e1 Katrini Ottarsd\u00f3ttir um Hans Paula Olsen, tosar myndah\u00f8ggarin um at gera standmyndab\u00f3lkar, at hann heldur ta\u00f0 er so ke\u00f0iligt ella onkursvegna so \u00f3metaliga li\u00f0ugt at hava ein kvinnu- og ein mansfigur saman. Og her er ta\u00f0 sj\u00e1lvsagt, at hann hugsar sum ein heterosexuellur listama\u00f0ur. Men hvussu so vi\u00f0 teimum b\u00e1\u00f0um damunum hj\u00e1 Andriasi Andreasen ni\u00f0ri \u00ed mi\u00f0b\u00fdnum? Eg haldi, at sta\u00f0setingin beint vi\u00f0 Keypsamt\u00f8kuna \u00ed b\u00fdnum \u00e1 ein h\u00e1tt broytir \u00fattrykki\u00f0 \u00e1 standmyndini. Hetta er j\u00fa ein lutfalsliga naturalistisk klassisk standmynd og \u00e1 sama h\u00e1tt sum \u00ed klassiskari list eru figurarnir naknir. Men av t\u00ed, at standmyndin er st\u00f8dd uttan fyri ein handil \u00ed b\u00fdnum, s\u00e6r ta\u00f0 \u00ed grundini eitt sindur l\u00f8gi\u00f0 \u00fat, at kvinnurnar eru naknar og eg eri neyvan tann einasta, sum hugsar handan vegin, t\u00ed standmyndin ver\u00f0ur \u00ed heilum latin \u00ed ymisk kl\u00e6dnapl\u00f8gg.<\/p>\n

\"\"<\/a><\/div>\n
<\/div>\n

S\u00e6\u00f0 burtur fr\u00e1 n\u00f8krum lutfalsliga f\u00e1um standmyndum hava vit \u00ed f\u00f8royskari list onga hevd fyri kroppi og kyni. F\u00f8roysk list er um ikki beinlei\u00f0is \u00f3sexut, so er hon \u00ed \u00f8llum f\u00f8rum r\u00e6ttiliga puritansk. Sum listami\u00f0lari og l\u00e6rari skal eg vera tann fyrsta at vi\u00f0ganga, at eg ikki \u00ed n\u00f3g st\u00f3ran mun havi hugsa\u00f0 um at inndraga samkynd ella transpers\u00f3nar \u00ed m\u00edtt undirv\u00edsingartilfari, men ta\u00f0 fari eg at gera. T\u00ed ymiskleikin og vi\u00f0urkenning av ymiskleikanum eru sj\u00e1lvsagt umr\u00e1\u00f0andi fyri okkara samfelag og vi\u00f0 teimum politikarum in mente, sum \u00ed heilum \u00e1vara um gl\u00ed\u00f0ibreytir og um ta\u00f0 \u00f3nat\u00farliga, kann eg l\u00edka sj\u00e1lv \u00e1vara, ella nevna, at t\u00e6r allarmest homofobu mentanirnar, t\u00e6r sum av \u00f8llum alvi arbei\u00f0a \u00edm\u00f3ti ymiskleika og \u00edm\u00f3ti samkyndleika ofta uttan at vita av t\u00ed og p\u00fara \u00f3vilja\u00f0 hava lyndi til at taka seg nokkso gay \u00fat. D\u00f8mini eru mong um hetta innan fascistiska og kommunistiska fagurfr\u00f8\u00f0i.<\/p>\n

<\/div>\n
\"\"<\/a><\/div>\n

 <\/p>\n

T\u00e1 vit \u00e1 henda h\u00e1tt eftir einum s\u00ed\u00f0uvegi koma inn \u00e1 ta\u00f0 politiska, mugu vit eisini minnast til, at f\u00f8roysk list ikki \u00ed serliga st\u00f3ran mun hevur veri\u00f0 politisk. Eg minnist, at vit \u00e1 sinni flentu at stuttligum vi\u00f0merkingum fr\u00e1 Mi\u00f0flokkinum um str\u00ed\u00f0i\u00f0 fyri at f\u00e1a endarnar at r\u00f8kka saman, t\u00e1 k\u00e6rleikin k\u00f8lnar millum menn, men m\u00e1li\u00f0 um 266b var j\u00fa \u00ed grundini sera \u00e1lvarsligt og her v\u00f3ru ta\u00f0 n\u00f8kur listaf\u00f3lk, sum blanda\u00f0u seg. Ole Wich<\/strong> hev\u00f0i \u00e1 s\u00edni heimas\u00ed\u00f0u eina verk\u00e6tlan, i\u00f0 nevndist homoFObia vi\u00f0 klistrimerkjum og plakatum, sum f\u00f3lk kundu printa \u00fat. Verki\u00f0 var r\u00e6ttiliga einfalt og sp\u00e6ldi upp\u00e1 okkara tj\u00f3\u00f0arey\u00f0kenni, flaggi\u00f0 og FO. At br\u00faka merki\u00f0 \u00ed t\u00edl\u00edkum verk\u00e6tlanum virkar r\u00e6ttiliga provokerandi upp\u00e1 summi, og listama\u00f0urin var\u00f0 eisini saks\u00f8ktur fyri hetta, og ta\u00f0 gj\u00f8rdi j\u00fa bara verki\u00f0 uppaftur meira kent og effektivt.<\/p>\n

\n

Humor er ikki ringasta v\u00e1pni\u00f0, t\u00e1 berjast skal fyri eini s\u00f8k, og ta\u00f0 s\u00edggja vit d\u00f8mi um \u00ed hesum svarta og rey\u00f0a og hv\u00edta prentinum hj\u00e1 Hanna Bjartal\u00ed\u00f0<\/strong>.<\/p>\n

\"\"<\/a><\/div>\n
<\/div>\n

– “God is gay” hevur onkur skriva\u00f0 \u00e1 veggin fleiri sta\u00f0ni \u00ed Havn \u00ed eini \u00fats\u00f8gn, sum j\u00fa eisini er fyri samkyndleika, men sum kanska eisini relaterar til m\u00f3tviljan, sum ein minniluti av sonevnt tr\u00fagvandi hevur havt m\u00f3tvegis samkyndleika og sum vit kanska serliga l\u00f8gdu til merkis undir 266b kjakinum. M\u00e1li\u00f0 var\u00f0 eisini v\u00e6l l\u00fdst \u00ed donskum fj\u00f8lmi\u00f0lum og fleiri donsk listaf\u00f3lk gj\u00f8rdust kl\u00f8kk av m\u00e1linum, m.a. John K\u00f8rner. Kendi danski listama\u00f0urin hevur fleiri fer\u00f0 arbeitt \u00ed Steinprenti, seinast fyri stuttum, t\u00e1 eg hev\u00f0i eina samr\u00f8\u00f0u vi\u00f0 hann. Hann greiddi fr\u00e1, at hendan myndin, sum var m\u00e1la\u00f0 til frams\u00fdningina Nat\u00farligv\u00eds \u00ed grundini umbo\u00f0ar eina vend \u00ed hansara list. K\u00f8rner seg\u00f0i \u2013 “Ta\u00f0 er hend ein st\u00f3r broyting vi\u00f0 m\u00ednari list s\u00ed\u00f0an eg var her seinast. T\u00e1 hev\u00f0i eg eina mynd \u00e1 frams\u00fdningini [nat\u00farligv\u00eds] av tveimum monnum, sum mussast og hetta var m\u00edtt fyrsta politiska verk, sum t\u00f3k st\u00f8\u00f0i \u00ed onkrum aktuellum, j\u00fast um ta\u00f0 mundi\u00f0 var\u00f0 ein samkyndur ma\u00f0ur \u00e1lopin her \u00ed Havn, og hendingin f\u00f8rdi saman vi\u00f0 grein 266 b m\u00e1linum til n\u00f3gv kjak. Eg haldi, at f\u00f8royska hevdin vi\u00f0 at avmynda n\u00e1tt\u00faruna \u00ed listini er \u00e1hugaverd og t\u00ed var ta\u00f0 eisini umr\u00e1\u00f0andi fyri meg, at teir b\u00e1\u00f0ir menninir h\u00f8vdu f\u00f8royska n\u00e1tt\u00faru sum bakgrund. Eg t\u00f3k upplivingina aftur vi\u00f0 m\u00e6r til arbei\u00f0is og s\u00ed\u00f0ani havi eg arbeitt vi\u00f0 fleiri aktuellum evnum (listama\u00f0urin hevur s\u00ed\u00f0ani arbeitt m.a. vi\u00f0 evninum trafficking)”.<\/p>\n<\/div>\n

<\/div>\n
\"\"<\/a><\/div>\n
<\/div>\n

Spurningurin um samkyndleika \u00ed f\u00f8royskari myndlist er eisini ein \u00e6ttarli\u00f0sspurningur, b\u00e6\u00f0i t\u00e1 ta\u00f0 kemur til vi\u00f0urkenning og opinleika, eisini millum listaf\u00f3lkini sj\u00e1lvi. T\u00ed ta\u00f0 s\u00e6r \u00fat til, at j\u00fa yngri f\u00f3lk eru, tess st\u00f8rri er tollyndi. T\u00e1 tey ungu f\u00f8roysku listaf\u00f3lkini s\u00fdndu fram \u00e1 Nor\u00f0urbryggjuni \u00ed Keypmannahavn herfyri, var helvtin av teimum seks frams\u00fdnarunum samkynd og opin um at vera ta\u00f0. \u00cd f\u00f8royskari listas\u00f8ga er frams\u00fdningin einastandandi \u00ed so m\u00e1ta. Fram\u00farskarandi listakvinnan Silja Str\u00f8m hoyrir til yngra \u00e6ttarli\u00f0i\u00f0, sum ikki dugir at s\u00edggja nakran trupulleika \u00ed samkyndum. Hon er ikki samkynd sj\u00e1lv, men hennara pers\u00f3nar tykjast ofta hava fleiri kynsligar samleikar, teir kunnu t.d. vera hybridar millum dj\u00f3r og menniskju, og ofta eru teir l\u00fdstir eitt sindur “kinky”, “queer” ella fremmandgj\u00f8rdir.<\/p>\n

\"\"<\/a><\/p>\n

\"\"<\/a><\/p>\n

Hetta fitta l\u00edtla prenti\u00f0 avmyndar m.a. eina konu, sum f\u00f8lir upp\u00e1 eina a\u00f0ra. Ta\u00f0 er partur av einum st\u00f3rum prenti, sum hongur her frams\u00fdningini. Silja Str\u00f8m<\/strong> hevur saman vi\u00f0 trimum \u00f8\u00f0rum f\u00f8royskum listaf\u00f3lkum eina f\u00edna frams\u00fdning \u00ed Listasavninum \u00ed l\u00f8tuni, sum eg hervi\u00f0 n\u00fdti h\u00f8vi\u00f0 at vi\u00f0m\u00e6la. Hennara l\u00edtla mynd er donera\u00f0 til LGBT og ver\u00f0ur saman vi\u00f0 \u00f8\u00f0rum donera\u00f0um verkum seld \u00e1 uppbo\u00f0ss\u00f8lu, t\u00e1 hendan frams\u00fdningin endar.<\/p>\n

\"\"<\/a><\/p>\n

\"\"<\/a><\/p>\n

Sni\u00f0gevin Barbara \u00ed Gongini<\/strong> sp\u00e6lir \u00e1 sama h\u00e1tt vi\u00f0 kynsligan samleika \u00ed s\u00edni skulpturellu og ekspressivu formlist, sum ofta tykist beinlei\u00f0is vend m\u00f3ti t\u00ed si\u00f0bundna. Men Barbara er sum heild eisini \u00f3gvuliga \u00f3provinsiel, altj\u00f3\u00f0a og st\u00f3rb\u00fdarkend. Henni d\u00e1mar v\u00e6l at br\u00faka traditi\u00f3nina og venda henni vi\u00f0, hetta s\u00e6st eisini funktionelt solei\u00f0is at skilja, at hon kann finna upp\u00e1 at br\u00faka pl\u00f8gg, sum minna um blusur til buksur ella \u00f8vugt. Fj\u00f8lbroytni og opinleiki eru fullkomiliga grundleggjandi partar av hennara \u00fattrykki, sum altso yvirh\u00f8vur ikki aktar frammanundan vi\u00f0urkendar myndir av hvat er maskulint og hvat er feminint.<\/p>\n

\"\"<\/a><\/p>\n

\u00c1 V\u00e1rframs\u00fdningini \u00ed Listasavni F\u00f8roya \u00ed 2009 var\u00f0 evni\u00f0 Samleiki sett \u00e1 breddan og har var ta\u00f0 serliga eitt av listaf\u00f3lkunum, sum fekk n\u00f3gv pl\u00e1ss \u00e1 frams\u00fdningini. Ta\u00f0 var tann originali fj\u00f8llistama\u00f0urin Ova \/ Dennis Agerblad, sum vi\u00f0ger samleika \u00ed \u00f8llum sum hann ger, antin ta\u00f0 er t\u00f3nleikur, musikkvideo, performance ella myndlist. Dennis Agerblad<\/strong> er \u00f3gvuliga anti-disney og gongur upp\u00e1 tv\u00f8rs av t\u00ed vakra, elskuliga og glamour\u00f8sa, sum\u00a0 annars ver\u00f0ur dyrka\u00f0 b\u00e6\u00f0i \u00ed samkyndum- og \u00ed trans-h\u00f8pi. Hugsi\u00f0 um okkara \u00edmynd av teirri meira vanligu drag-drottningini, sum j\u00fa glitrar \u00f8ll sum hon er.<\/p>\n

\"\"<\/a><\/p>\n

Dennis Agerblad heldur fast upp\u00e1 at dyrka ta\u00f0 lj\u00f3ta og anti-glamur\u00f8sa. Fyrstu fer\u00f0, eg upplivdi hansara myndlist var \u00e1 st\u00f3ru frams\u00fdningini av f\u00f8royskari list \u00e1 Den Frie \u00ed Keypmannahavn \u00ed 1999. T\u00e1 s\u00fdndi hann fram nakrar monumentalar myndir av s\u00e6r sj\u00e1lvum \u00ed myrkamorrey\u00f0ari nokkso “straight” tj\u00f3\u00f0veldistroyggju \u00ed myndum, sum onkursvegna innihalda somu m\u00f3tsetningar sum tann fyrsta myndin, sum vit s\u00f3u hj\u00e1 Unn Joensen. \u00c1 hesari Altso tann gamla r\u00f3tf\u00f8royska og hevdvunna hampiligheitin m\u00f3ti einum n\u00fdggjari og meira moderna\u00f0um veruleika. \u00cd myndunum \u00e1 V\u00e1rframs\u00fdningini hevur Dennis Agerblad listama\u00f0urin l\u00fdst seg sj\u00e1lvan \u00ed fleiri ymiskum leiklutum, sum klovn og sum martyr og sum trans \u00ed ymsum dressum, sum v\u00f3ru vi\u00f0 \u00ed einari st\u00f3rari, fantastiskari installati\u00f3n \u00e1 V\u00e1rframs\u00fdningini.<\/p>\n

\"\"<\/a><\/p>\n

\"\"<\/a><\/p>\n

\"\"<\/a><\/p>\n

Halldis Olsen<\/strong> er ein av okkara mest \u00e1hugaverdu ungu listakvinnum. Sj\u00e1lvt um hennara t\u00f8kni og myndam\u00e1l \u00e1 ein h\u00e1tt virka heldur gamalslig, hava hennara myndir ein serstakan, hugtakandi myrkan t\u00f3na. Hon sker \u00ed linoleum l\u00fdsingar av dj\u00f3rum ella menniskjum, sum at s\u00edggja til eru realistiskar og lutfalsliga vandaleysar. Men hyggur t\u00fa eina l\u00f8tu, so v\u00edsir ta\u00f0 seg sum, at okkurt er, sum ta\u00f0 ikki eigur at vera. Til d\u00f8mis eru dj\u00f3rini onkursvegna avskepla\u00f0i sum \u00ed einari marru. Um vit samanbera Halldis Olsen vi\u00f0 st\u00f3ra f\u00f8royska meistaran innan linoleumsskur\u00f0, so eru myndirnar hj\u00e1 Elinborg L\u00fctzen j\u00fa y\u00f0jandi fullar av detaljum, i\u00f0 ver\u00f0a sko\u00f0a\u00f0ir \u00fat\u00edfr\u00e1 vi\u00f0 eini \u00e1v\u00edsari fjarst\u00f8\u00f0u. Myndirnar hj\u00e1 Halldis eru n\u00f3gv einfaldari vi\u00f0 f\u00e1um ella bert einum figuri, sum vit s\u00edggja \u00ed n\u00e6rmynd og sum ver\u00f0ur uppl\u00fdstur \u00ed klaustrofobiskum b\u00f8lamyrkri.<\/p>\n

\"\"<\/a><\/p>\n

Dugnaligi t\u00f3nleikarin, filmslistama\u00f0urin og myndlistama\u00f0urin, Hei\u00f0rik \u00e1 Heygum<\/strong>, sum harumframt er kurator, – ja hann er fj\u00f8lbroyttur og fevnir breitt mentanarliga eins ein annar William Heinesen – hevur m\u00e1la\u00f0 tv\u00e6r myndir, sum beinlei\u00f0is vi\u00f0gera samkyndleika. “D\u00f8gurabor\u00f0i\u00f0” sn\u00fdr seg vi\u00f0 listamansins egnu or\u00f0um um elefantin \u00ed r\u00faminum, ella ta\u00f0, sum man ikki tosar um. Hetta er ein gerandissena av eini l\u00edtlari familju vi\u00f0 d\u00f8gurabor\u00f0i\u00f0. Ta\u00f0, sum sonurin roynir at siga, ver\u00f0ur ey\u00f0s\u00fdniliga ignorera\u00f0. Hesar b\u00e1\u00f0ar myndirnar eru eitt sindur \u00f8\u00f0rv\u00edsi, varligari og meira kenslubornar, men eisini meira neutralar og fri\u00f0aligar enn onnur verk hj\u00e1 Hei\u00f0riki \u00e1 Heygum. Hei\u00f0rik er dugnaligur og hevur ans fyri t\u00ed spektakulera. Men \u00ed hesum myndunum er t\u00f3nin ein annar. Av somu ors\u00f8k f\u00e1a myndirnar ein sera \u00e1lvarsligan d\u00e1m, sum eg haldi er r\u00f8randi. Sj\u00e1lvsmyndin \u00ed myndini vi\u00f0 heitinum “Barni\u00f0” er til d\u00f8mis \u00f3gvuliga ni\u00f0urt\u00f3na\u00f0 og tykist somulei\u00f0is sn\u00fagva seg um ikki at kunna liva upp til t\u00e6r v\u00f3nir, sum ungi ma\u00f0urin f\u00f8lir, at umhv\u00f8rvi\u00f0 hevur \u00ed mun til hansara tilveru.<\/p>\n

\"\"<\/a><\/p>\n

 <\/p>\n

Sj\u00e1lvt um J\u00f3han Martin Christiansen<\/strong> enn er lutfalsliga ungur akademin\u00e6mingur, hevur hann r\u00e6ttiliga gj\u00f8rt vart vi\u00f0 seg \u00ed danska listaumhv\u00f8rvinum. Hann hevur eisini tiki\u00f0 lut \u00e1 fleiri frams\u00fdningum her heima vi\u00f0 m.\u00f8. installati\u00f3num og video, har hann ofta st\u00e1plar ymsar lutir upp \u00ed originalum konseptuellum installati\u00f3num, sum eru merktar av humor og poesi. J\u00f3han Martin Christiansen hevur st\u00f3ran \u00e1huga fyri b\u00f3kmentum og hansara list tekur st\u00f8\u00f0i \u00ed konseptlistini ella einum avleggara ha\u00f0ani, nevniliga teirri relationellu listini, sum um somu t\u00ed\u00f0 kann sn\u00fagva seg um politikk, samfelag og pers\u00f3nligar upplivingar. Hetta eru samb\u00e6rt listamanninum tankar um list, sum ikki bert sn\u00fagva seg um seg sj\u00e1lvur, men sum relatera til og taka lut \u00ed umhv\u00f8rvinum, sum hesi hugskot og verk ver\u00f0a sett inn \u00ed. Her hava vit eina uppseting av eini plakat, sum vendir \u00f8vugt, einum gr\u00f8num plastikkkassa og einum bandupptakara. \u00c1 t\u00ed\u00a0 r\u00e6ttiliga speiska heitinum Self-portrait-in-very-dark skilst, at ta\u00f0 er eitt sj\u00e1lvportrett. Hetta er um somu t\u00ed\u00f0 sera konkret og einf\u00f8ld og abstrakt og fl\u00f8kt list. Tilsipingarnar eru n\u00f3gvar og summar fjaldar, ta\u00f0 kunnu t.d. vera privatar ella kensluligar upplivingar hj\u00e1 listamanninum, men hesi tr\u00edb\u00fdttu verkini eru tilfarsliga merkt av vakurleika og einfeldi.<\/p>\n

\"\"<\/a><\/p>\n

Og um vit n\u00fa samsvarandi evninum \u00ed fyrilestrinum taka samanum og spyrja okkum sj\u00e1lvi hvar samkyndleikin \u00ed hesum seinasta verkinum er, ber sj\u00e1lvandi til at peika \u00e1 \u00e6labogalitirnar, i\u00f0 ver\u00f0ur br\u00fakt sum symbol fyri ymiskleikan \u00ed LGBT h\u00f8pi. Men samb\u00e6rt listamanninum sj\u00e1lvum sipa \u00e6labogalitirnir \u00ed grundini til \u00d3lafur Eliasson, kenda danska-\u00edslendska listamannin, sum arbei\u00f0ir vi\u00f0 lj\u00f3si og percepti\u00f3n og sum gj\u00f8rdi \u00e6labogan rundan um listasavni\u00f0 Aros.<\/p>\n

<\/div>\n
Og hervi\u00f0 eru vit \u00e1 okkara stuttu fer\u00f0 komin allan vegin runt um samkynd og hinskynd listaf\u00f3lk og kunnu endaliga sta\u00f0festa, at myndlist hj\u00e1 samkyndum\u00a0 hevur l\u00edka l\u00edti\u00f0 og l\u00edka n\u00f3gv vi\u00f0 kynssamleika og sexualitet at gera um listin hj\u00e1 hinskyndum. Hetta er neyvan n\u00f8kur skelkandi uppdaging, men sta\u00f0festingin er umr\u00e1\u00f0andi. V\u00f3nandi er hetta ein l\u00edtil byrjan upp\u00e1, at samkyndleikin, sum alt\u00ed\u00f0 hevur veri\u00f0 partur av f\u00f8royskari myndlist – vit kenna \u00f8ll somul fantastisk samkynd listaf\u00f3lk, livandi sum dey\u00f0, hv\u00f8rs privatl\u00edv ongant\u00ed\u00f0 er nevnt \u00ed listab\u00f3kunum orsaka\u00f0 av teirra samkyndleika, – ikki longur ver\u00f0ur tagdur burtur \u00ed f\u00f8roysku myndlist.<\/div>\n
\n

\u00a9 \u00a0Kinna Poulsen, 2012<\/strong><\/p>\n<\/div>\n","protected":false},"excerpt":{"rendered":"

\u00d3-s\u00f8gur av hinum slagnum – um samkyndleika \u00ed f\u00f8royskari myndlist Hendan myndin hj\u00e1 Unn Joensen sigur kanska alt betri enn […]<\/p>\n","protected":false},"author":182137770,"featured_media":0,"parent":0,"menu_order":0,"comment_status":"open","ping_status":"open","template":"","meta":{"_crdt_document":"","_uag_custom_page_level_css":"","site-sidebar-layout":"default","site-content-layout":"","ast-site-content-layout":"default","site-content-style":"default","site-sidebar-style":"default","ast-global-header-display":"","ast-banner-title-visibility":"","ast-main-header-display":"","ast-hfb-above-header-display":"","ast-hfb-below-header-display":"","ast-hfb-mobile-header-display":"","site-post-title":"","ast-breadcrumbs-content":"","ast-featured-img":"","footer-sml-layout":"","ast-disable-related-posts":"","theme-transparent-header-meta":"","adv-header-id-meta":"","stick-header-meta":"","header-above-stick-meta":"","header-main-stick-meta":"","header-below-stick-meta":"","astra-migrate-meta-layouts":"default","ast-page-background-enabled":"default","ast-page-background-meta":{"desktop":{"background-color":"var(--ast-global-color-5)","background-image":"","background-repeat":"repeat","background-position":"center center","background-size":"auto","background-attachment":"scroll","background-type":"","background-media":"","overlay-type":"","overlay-color":"","overlay-opacity":"","overlay-gradient":""},"tablet":{"background-color":"","background-image":"","background-repeat":"repeat","background-position":"center center","background-size":"auto","background-attachment":"scroll","background-type":"","background-media":"","overlay-type":"","overlay-color":"","overlay-opacity":"","overlay-gradient":""},"mobile":{"background-color":"","background-image":"","background-repeat":"repeat","background-position":"center center","background-size":"auto","background-attachment":"scroll","background-type":"","background-media":"","overlay-type":"","overlay-color":"","overlay-opacity":"","overlay-gradient":""}},"ast-content-background-meta":{"desktop":{"background-color":"var(--ast-global-color-4)","background-image":"","background-repeat":"repeat","background-position":"center center","background-size":"auto","background-attachment":"scroll","background-type":"","background-media":"","overlay-type":"","overlay-color":"","overlay-opacity":"","overlay-gradient":""},"tablet":{"background-color":"var(--ast-global-color-4)","background-image":"","background-repeat":"repeat","background-position":"center center","background-size":"auto","background-attachment":"scroll","background-type":"","background-media":"","overlay-type":"","overlay-color":"","overlay-opacity":"","overlay-gradient":""},"mobile":{"background-color":"var(--ast-global-color-4)","background-image":"","background-repeat":"repeat","background-position":"center center","background-size":"auto","background-attachment":"scroll","background-type":"","background-media":"","overlay-type":"","overlay-color":"","overlay-opacity":"","overlay-gradient":""}},"advanced_seo_description":"","jetpack_seo_html_title":"","jetpack_seo_noindex":false,"footnotes":""},"class_list":["post-1568","page","type-page","status-publish","hentry"],"uagb_featured_image_src":{"full":false,"thumbnail":false,"medium":false,"medium_large":false,"large":false,"1536x1536":false,"2048x2048":false,"trp-custom-language-flag":false,"newspack-article-block-landscape-large":false,"newspack-article-block-portrait-large":false,"newspack-article-block-square-large":false,"newspack-article-block-landscape-medium":false,"newspack-article-block-portrait-medium":false,"newspack-article-block-square-medium":false,"newspack-article-block-landscape-intermediate":false,"newspack-article-block-portrait-intermediate":false,"newspack-article-block-square-intermediate":false,"newspack-article-block-landscape-small":false,"newspack-article-block-portrait-small":false,"newspack-article-block-square-small":false,"newspack-article-block-landscape-tiny":false,"newspack-article-block-portrait-tiny":false,"newspack-article-block-square-tiny":false,"newspack-article-block-uncropped":false,"mailpoet_newsletter_max":false,"woocommerce_thumbnail":false,"woocommerce_single":false,"woocommerce_gallery_thumbnail":false},"uagb_author_info":{"display_name":"unijoh","author_link":"https:\/\/lgbt.fo\/en\/author\/unijoh\/"},"uagb_comment_info":0,"uagb_excerpt":"\u00d3-s\u00f8gur av hinum slagnum – um samkyndleika \u00ed f\u00f8royskari myndlist Hendan myndin hj\u00e1 Unn Joensen sigur kanska alt betri enn […]","jetpack_sharing_enabled":true,"jetpack_shortlink":"https:\/\/wp.me\/Pgp3sg-pi","_links":{"self":[{"href":"https:\/\/lgbt.fo\/en\/wp-json\/wp\/v2\/pages\/1568","targetHints":{"allow":["GET"]}}],"collection":[{"href":"https:\/\/lgbt.fo\/en\/wp-json\/wp\/v2\/pages"}],"about":[{"href":"https:\/\/lgbt.fo\/en\/wp-json\/wp\/v2\/types\/page"}],"author":[{"embeddable":true,"href":"https:\/\/lgbt.fo\/en\/wp-json\/wp\/v2\/users\/182137770"}],"replies":[{"embeddable":true,"href":"https:\/\/lgbt.fo\/en\/wp-json\/wp\/v2\/comments?post=1568"}],"version-history":[{"count":1,"href":"https:\/\/lgbt.fo\/en\/wp-json\/wp\/v2\/pages\/1568\/revisions"}],"predecessor-version":[{"id":3365,"href":"https:\/\/lgbt.fo\/en\/wp-json\/wp\/v2\/pages\/1568\/revisions\/3365"}],"wp:attachment":[{"href":"https:\/\/lgbt.fo\/en\/wp-json\/wp\/v2\/media?parent=1568"}],"curies":[{"name":"wp","href":"https:\/\/api.w.org\/{rel}","templated":true}]}}