f s r
^

Vantandi rættindi og mismunur

Samkynd kunnu framvegis ikki gifta seg

Hvørki skrásett parlag ella kynsleyst hjúnalag er galdandi í Føroyum.

Ættleiðing

Fólk av sama kyni kunnu framvegis ikki ættleiða børn sum par.

Ísáðing

Samkyndar kvinnur fáa ikki almenna hjálp til ísáðing, eins og hinkyndar kvinnur fáa.

Blóðgevi

Samkyndir menn kunnu framvegis ikki geva blóð í Føroyum.

Juridiskt kynsskifti

Tað er ikki loyvt at skifta kyn í Føroyum uttan at gelda.

Biologiskt kynsskifti

Atgongd til góða heilsuráðgeving viðvíkjandi kynsligum samleika og møguleika fyri biologiskum kynsskifti er ikki nóg góð í dag.

Harmonviðgerð

Harmonviðgerð fyri tvørkynd er ikki loyvd í Føroyum.

Tvørkyndleiki og sinnissjúka

Danska – og tí eisini føroyska – heilsuverkið metur framvegis, at tvørkyndleiki er ein sinnissjúk. Hetta hildu tey eisini samkyndleika vera fram til 1981.

HPV-koppsetingin til drongir

HPV-koppsetingin til gentur, sum er at fyribyrgja lívmóðurhálskrabba hjá kvinnum, fyribyrgir eisini munnholukrabbamein, analkrabbamein og peniskrabbamein. Henda koppseting er í dag ókeypis fyri gentur, men ikki drongir í Føroyum.

Í Føroyum og í Danmark er ætlanin, at menn verða vardir við, at tær kvinnurnar, teir hava kynsligasamvera við eru longu koppsettar, og sostatt ikki smitta teir við HPV. Samkyndir menn, tvíkyndir menn og menn, ið hava sex við øðrum monnum, verða tí ikki vardir á sama hátt, umteir ikki eru koppsettir. Í eitt nú USA og Australia hava heilsumyndugleikarnir viðmælt samkyndum monnum at lata seg koppseta móti HPV. Mismunur skuldi tí ikki verið millum gentir og drongir á hesum økinum í Føroyum.

Antidiskriminatiónslóg

Vit hava ongar antidiskriminatiónslógir í Føroyum. Hvørki vegna kynsliga sannføring ella nakað annað.

Share

Twitter Facebook Del.icio.us Digg LinkedIn StumbleUpon

Reply